Unicode 🍳🍳
နေ့လယ်ပိုင်းလောက်မှာ ပြည်ကြီးငါးတွေ ပြည့်နေတဲ့ ပုံးတစ်ပုံး ရောင်းကုန်သွားတယ်။ စုယွိ မောပန်းကာ ချွေးများထွက်နေသော်လည်း သူ့ပါးစပ်ကို ကျယ်ကျယ်ဖွင့်ထားရင်း ရယ်မောလိုက်သည်။
ပြည်ကြီးငါးအကွင်းများသည် တံကျင်တစ်ခုအတွက် ကြေးနီဒင်္ဂါးသုံးပြားဖြစ်ပြီး ပြည်ကြီးငါးတစ်ခုလုံးသည် ကြေးဒင်္ဂါးဆယ်ပြားဖြစ်သည်။ မနေ့က ပြည်ကြီးငါးတစ်ရာကို သူဝယ်ပြီး ရောင်းလိုက်လို့ စုယွိက ကြေးဒင်္ဂါးငါးရာနီးပါး ရခဲ့တာ။ ပြီးတော့ ဒီပြည်ကြီးငါးကိုဝယ်ဖို့ သူ ကြေးဒင်္ဂါးသုံးဆယ်ပဲကုန်ခဲ့တယ်။
ကြေးဒင်္ဂါးငါးရာ။ ကြေးနီဒင်္ဂါးတစ်ထောင်သည် ငွေတစ်စ ဖြစ်သည်။ ဒီအတိုင်းဆက်သွားမယ်ဆိုရင် တစ်နှစ်မှာ ငွေစင် တေးတစ်ရာကျော် ဝင်ငွေရနိုင်မှာပါ။ ထိုခနတွင် စုယွိ၏မျက်လုံးများသည် ငွေရောင်တောက်တောက်များနှင့် ပြည့်နှက်နေပြီး ငွေစများသည် အတောင်သေးသေးလေးများ ပေါက်ထွက်ကာ ပျံသန်းနေလေသည်း။
ဟား ဟား ဟား
စုယွိသည် မျက်ရည်ကျလုမတတ် မိုက်မဲစွာ ရယ်မောနေသည်ကိုကြည့်၍ ကြောင်ကလေး၏ ပယင်းရောင်မျက်လုံးများသည် အထင်အမြင်သေးခြင်းများဖြင့် ပြည့်နှက်နေသည်။
ဒီလောက် မိုက်မဲတဲ့ကောင်နဲ့ နေရတာ ရှက်စရာကြီး။ ဒီအချိန်မှာ ဇိမ်ခံအဝတ်အစားတွေ ဝတ်ထားတဲ့ ဖက်တီးလေး ပြန်ရောက်လာပါတယ်။ဟုန်အန်းချီ သည် သူ၏မျက်နှာကို ခြေထောက်များ မြှောက်ကာ ဖုံးကွယ်ထားလိုက်မိသည်။
"အားနာပါတယ် ဖောက်သည်လေး အကင် တွေအကုန်ရောင်းကုန်သွားပြီ" စုယွိ၏မျက်နှာပေါ်ရှိ အပြုံးသည် ယခုထိ ပျောက်ကွယ်မသွာသေးချေ။
"ငါ အကင်မဝယ်ဘူး။" ဖက်တီးလေးသည် သူ၏ ဖြူဖွေး နူးညံ့သောလက်ကို ဆန့်ထုတ်ကာ ငွေသေတ္တာဘေးတွင် ထိုင်နေသော ရွှေရောင်ကြောင်ကလေးကို ပြ၍ “ဒီကြောင်ရောင်းပါလား။”
စုယွိက ခေါင်းခါလိုက်ပြီး "ဒီကြောင်က ရောင်းဖို့မဟုတ်ပါဘူး"
"ဒါဆို မင်းနဲ့ငါ ဒါနဲ့ အရောင်းအဝယ်လုပ်မယ်။"
ဖက်တီးလေးက စကားပြောရင်း သူ့အင်္ကျီလက်ထဲက ငွေတစ်တုံးကို ထုတ်ယူလိုက်တယ်။ ကြည့်လိုက်တာနဲ့ အနည်းဆုံး ငွေ တေးသုံးချောင်းရှိတယ်။
YOU ARE READING
စားဖွယ်စုံနန်းတော်(mm translation)
FantasyMC shou Both unicode and zawgyi ဖတ်သင့်တဲ့အကြောင်းအရင်း-ချစ်စရာ ကြောင်မျိုးစုံနဲ့ အစားအသောက် ဖတ္သင့္တဲ့အေၾကာင္းအရင္း-ခ်စ္စရာ ေၾကာင္မ်ိဳးစုံနဲ႕ အစားအေသာက္
