မစ်စတာရုံ

2

Chapter 2
ငါတို့ကလေးတွေကိုဘာနာမည်ပေးကြမလဲ

မြို့လယ်ခေါင်မှာဖြစ်ပျက်ခဲ့မှုကြောင့် ရဲများရောက်လာရန်မိနစ်အနည်းငယ်သာကြာခဲ့သည်၊ ၎င်းကရုန်ယီကို အတော်လေးစိတ်ဓာတ်ကျသွားစေသည်။

သူသည်နတ်ဘုရားတမျှချောမောလှသောအနှီယောကျ်ားပျိုကို အမည်ပေးရန်ပင်အခွင့်အရေးမရလိုက်၊ အထူးသဖြင့် ထိုသူကလူလွတ်ဟုတ်မဟုတ်။

ကံကောင်းစွာနှင့် အနှီသူကရဲဝန်ထမ်းနှစ်ယောက်၏ စခန်းတွင်ထွက်ဆိုချက်လိုက်ရေးပေးရန်တောင်းဆိုချက်ကို တုံ့နှေးမနေဘဲသဘောတူခဲ့သည်။ သို့ဖြစ်၍ ရုန်ယီက သူ့တာဝန်အရအတူလိုက်ပေးမည့်အကြောင်းပြောခဲ့သည်။

သူခိုးက ပြစ်မှုကျုးလွန်မည့်နေရာကိုမှားယွင်းရွေးချယ်မိခဲ့သည်။ အကြောင်းမှာ စခန်းကတစ်လမ်းကျော်တွင်ရှိနေပြီးလမ်းလျှောက်သွား၍ရသည်။ ရုန်ယီက အဆိုပါခန့်ချောကြီးနောက်လိုက်လာရင်းသူနှင့်သူအတွင်းကြိတ်သဘောကျနေသူအကြား နှိုင်းယှဉ်ကြည့်နေသည်၊သူအံ့အားသင့်သွားသည်က အနှီသူသည် သူ့ထက်အရပ်ပိုရှည်ပြီး ၁၉၀ စင်တီနီးပါးရှိလောက်သည်။ ထိုသူ၏ကျယ်ပြန့်လှသောပုခုံးပြင်က အားကိုးရလောက်သော်ငြားကျစ်လစ်နေခြင်းမျိုးမရှိ၊ ၎င်းကရုန်ယီနှလုံးခုန်နှုန်းကိုမြန်လာစေသည်။

အနှီ အရပ်ရှည်၊ အလွန်အကျွံကြည့်ကောင်းပြီး နွေးထွေးသောနှလုံးသားပိုင်ရှင်က သူခိုးကိုဖမ်းဆီးခဲ့ရာတွင်လျှင်မြန်သွက်လက်၍ သူ့အားအဆင်ပြေမပြေမေးမြန်းလာချိန် နှစ်လိုဖွယ်အပြုံးနှင့်အလွန်နူးညံ့နေခဲ့သည်။

သူတို့သွားနေသည့်နေရာက မြို့နယ်လုံခြုံရေးဌာန၊ ရုန်ယီမှာ၎င်းခန့်ချောကြီးနှင့် လက်ထပ်စာချုပ်ပေါ်တွင်သူ့နာမည်ကိုလက်မှတ်ထိုးပစ်လိုက်ချင်သည်။

ရဲစခန်းရောက်သည်နှင့် ရုန်ယီကသူ့မှတ်ပုံတင်ကို တက်ကြွစွာထုတ်ပေးလိုက်သည်။ ရဲအရာရှိကို မှတ်ပုံတင်ပေးနေချိန်မှာ တမင်တကာခန့်ချောကြီးရှေ့မှဖြတ်ပေးလိုက်သည်၊ သူ၏ဒုတိယလိင်အမျိုးအစားကထိုသူမြင်သာလောက်သည့်ဘက်တွင်ရှိနေသည်။ သူအတွေ့အကြုံအများအပြားရှိသည်။ သူလိုက်နေသည့်ခန့်ချောကြီးကို သူ၏ဒုတိယမြောက်လိင်အမျိုးအစားအကြောင်း သိခွင့်ပေးလိုက်သည်။