ကျွမ်းကျင်စားဖိုမှူးစနစ် အပိုင်း(၄၅)
“သူဌေးယွမ်၊ ခင်ဗျားက နည်းနည်းလေးတော့ ပြောပြပေးသင့်တယ်လေ”ဝူဟိုင်းက လက်မလျှော့ဘဲ ဆက်လက်မေးမြန်းသည်။
“ခင်ဗျားအော်ဒါမှာကြည့်ရင် သိသွားမှာပါ။ ဒီနေ့ ဘာစားချင်လဲ” ယွမ်ကျိုးက သူ့မေးခွန်းကို မဖြေဘဲ သူ့တာဝန်အရ မေးမြန်းခြင်းကိုသာ လုပ်ဆောင်သည်။
“သူဌေးယွမ်၊ ယောက်ျားဆိုတာ ရိုးသားဖြောင့်မတ်ပြီး ကြင်နာစိတ် ရှိရတယ်။ ခင်ဗျားကြည့်စမ်းပါဦး။ ခင်ဗျားရဲ့ အထူးပွဲက ဈေးမပေါဘူး။ အနည်းဆုံးတော့ များများ ထည့်ပေးထားလား နည်းနည်းထည့်ပေးထားလား ဖြေသင့်တယ်။ ပန်ကန်ပြားက ကြီးလား သေးလား ဖြေပေးသင့်တယ်လေ” ဝူဟိုင်း၏ဘေးနားက အမျိုးသားက စကားဖြတ်ပြောသည်။
ဈေးနှုန်းစာရင်း အထူးပွဲ၂၂ တစ်ပွဲလျှင် ၁၀၈ယွမ်
အထူးပွဲ၁၃ တစ်ပွဲလျှင် ၁၀၈ယွမ်
“အထူးပွဲ ပန်ကန်ပြားရဲ့အရွယ်အစားက မုန်လာချဉ်ထည့်တဲ့ ပန်ကန်ပြားလောက် အရွယ်အစား ရှိပါတယ်” ခဏကြာ တွေးကြံပြီးနောက် ယွမ်ကျိုးက သူတို့ကို ပြောပြရန် ဆုံးဖြတ်ခဲ့သည်။
“ဈေးနှုန်းအတူတူပဲဟာကို ဘာလို့များ နံပါတ်စဥ် တပ်ထားရတာလဲ။ နံပါတ်သေးတာက အရသာပိုရှိတာလား”
“ဒါက အရသာမတူတာကိုပဲ ဖော်ပြတာပါ။ နံပါတ်က ဘာသဘောမှ မဟုတ်ပါဘူး” ယွမ်ကျိုးက ရှင်းပြရခြင်းကို ငြီးငွေ့ပြီး စကားအများကြီးပြောရခြင်းကို အင်တင်တင် ဖြစ်နေသည်။
“သူဌေးယွမ်၊ ခင်ဗျားက ကျုပ်တို့ကို ဆိုးဆိုးရွားရွား ဆက်ဆံတာပဲ”
စကားဖြတ်ပြောသော အမျိုးသားက ယွမ်ကျိုးကို အထင်ကြီးလေးစားဟန်ဖြင့် လက်မထောင်ပြသည်။ သူဌေးယွမ်က ပန်ကန်ပြားသေးသေးလေးဖြင့် ထည့်ထားသော ဟင်းပွဲကို ယွမ်၁၀၀ဖြင့် ရောင်းချရဲသည်။ သူ့ငွေများက သစ်ပင်ပေါ်မှ ရလာခြင်းမဟုတ်၍ မမြည်းစမ်းရန် ဆုံးဖြတ်လိုက်သည်။
“ခေါက်ဆွဲစွပ်ပြုတ်အချို တစ်ပွဲပေးပါ”
၎င်းအမျိုးသားက ခေါက်ဆွဲပြုတ်ကို ချက်ချင်းမှာလိုက်သည်။
YOU ARE READING
ကျွမ်းကျင်စားဖိုမှူးစနစ် (ယွမ်ကျိုး)
HumorMale Lead pr ဇာတ်လမ်းအကျဥ်း အရှေ့ဘက်နဲ့ဝေးတဲ့မြေမှာ မီချယ်လင် ကြယ်သုံးပွင့်အဆင့်သတ်မှတ်ချက်ကို အကြိမ်ကြိမ်ငြင်းဆိုထားတဲ့ ထူးဆန်းတဲ့စတိုးဆိုင်တစ်ခုရှိတယ်။ ဈေးတွေက ဈေးကြီးတယ်။ ဟင်းချို နှင့် ကြက်ဥကြော် ပေါင်းစပ် အစုံ သည် 288 RMB ဖြစ်သည်။ အရံဟင်းလည်း ပ...
