Fantasy: God-level Store Manager (နတ်ဘုရားအဆင့် စတိုးဆိုင်မန်နေဂျာ)
အပိုင်း (၁၁)- ဆိုင်ကနေ အချိန်မရွေး ကြိုဆိုပါတယ်
ပုလိုင့်တို့ မောင်နှမ ထွက်သွားပြီးနောက် လို့ချွမ်သည်လည်း နေရောင်ပြန်ခံရင်း စည်းစိမ်ရစ်ပြန်လေသည်။ ကံကောင်းချင်တော့ အချိန်သိပ်မကြာလိုက်ဘဲ နောက်ထပ်ဈေးဝယ်တစ်ဦးရောက်လာပြီး မေးပြန်သည်။
“ရှင်ကဆိုင်ရှင်လား”
လို့ချွမ်မျက်လုံးဖွင့်ကြည့်လိုက်သောအခါ တစ်ကိုယ်လုံး အနက်ရောင်ဝတ်ထားသော သွယ်လျကျစ်လစ်သည့် အမျိုးသမီးတစ်ဦးအား မြင်ရလေသည်။ သူမရဲ့ အနက်ရောင်ကေသာများကိုတော့ နောက်စေ့နားတွင် စုခြည်ထားကာ သူရဲကောင်းတစ်ယောက်ပုံစံနှင့် တူနေသည်။
ဝေ့ချင်းကျူးသည် အနည်းငယ်စိတ်မရှည်ဖြစ်လာကာ ထပ်မေးလေသည်။
“ရှင့်ကိုမေးနေတာ ၊ ဆိုင်ရှင်လားလို့၊ တစ်ခုခုတော့ ပြန်ပြောဦးလေ”
“ဟုတ်ပါတယ်၊ ဘာလိုချင်တာပါလဲဗျ”
လို့ချွမ် နောက်ဆုံးတွင်ပါးစပ်ဟလာပြီး ပြန်ဖြေလေသည်။
“ကုသခြင်း ဆေးနဲ့ တခြားဆင်တူ ပစ္စည်းတွေ၊ ရှင့်ဆိုင်မှာ အဲ့လိုပစ္စည်းမျိုးများ ရှိသလား”
အမျိုးသမီးသည် အနည်းငယ်စဉ်းစား၍ ပြောလေသည်။
ကျို့ယောင်မြို့ နယ်နိမိတ်၏ အစွန်ဆုံးနေရာများတွင် တောင်တန်းများတည်ရှိနေကြသည်။ ထိုတောင်တန်းများသည် သားရဲများ ၊ မွန်းစတားများဖြင့် ပြည့်နက်နေသည်။ ထိုအကောင်များကို မှီခိုပြီး အသက်မွေးကြသော ကျင့်ကြံသူများလည်း ရှိကြသည်။ ဝေ့ချင်းကျူး သည်လည်း ထိုကဲ့သို့သော ကျင့်ကြံသူတစ်ယောက်ဖြစ်သည်။
“ဟုတ်ကဲ့၊ မရှိပါဘူး။”
လို့ချွမ် ခေါင်းငြိမ့်ပြလိုက်ပြီး ပြန်ပြောလိုက်သည်။
ဝေ့ချင်းကျူး က စိတ်ပျက်စွာဖြင့် တခြားသို့သွားရန် ခြေလှမ်းပြင်လိုက်သည်။ ဝေ့ချင်းကျူး ထွက်ခွာရန် ခြေလှမ်းစလိုက်သည်နှင့် လို့ချွမ်၏ စကားများက ရပ်တန့်သွားစေပြန်သည်။
“ဘာဆေးတောင့်မှတော့မရှိဘူး၊ ဒါပေမယ့် ဒီမှာရောင်းနေတာတွေက အဲ့ဒါတွေထက် ပိုကောင်းပါတယ်။”
“ဒီသူဌေး လေတော့တော်တော်ကြီးတာပဲ”(ဆော်တွေ့ရင် ဘူးတဲ့အကျင့်ကြောင့်ပါ)
YOU ARE READING
နတ်ဘုရားအဆင့်စတိုးဆိုင်မန်နေဂျာ
Action(နတ်ဘုရားအဆင့် စတိုးဆိုင်မန်နေဂျာ) ထျန်းလန်တိုက် ကျို့ယောင်မြို့မှာမူလစတိုးဆိုင်ဆိုတဲ့ ဆိုင်လေးတစ်ဆိုင်ရှိတယ်။အဲ့ဒီဆိုင်က ကိုလာတစ်ပုလင်းကို သောက်လိုက်တာနဲ့ ဒဏ်ရာတွေအကုန်ပျောက်ပီး လန်းဆန်းသွားစေမယ်။ စပိုက်စီဘားက မုန့်စားလိုက်ပီဆိုတာနဲ့ စွမ်းအင်အဆင...
