အပိုင်း၂၂၁
ဒီရက်ပိုင်းအတွင်း တော်ဝင်ကျောင်းတော်ကို ပြသနာလာရှာတဲ့သူတွေပိုများလာတယ်။ မျက်လုံးပါတဲ့ဘယ်သူမဆ်ို ထိုကိစ္စတွေရဲ့နောက်ကွယ်မှာ ကြိုးကိုင်သူရှိနေမှန်း သိနိုင်ကြတယ်။
သူက အတွေ့အကြုံရှိနေတဲ့စီးပွားရေးသမားဖြစ်တာကြောင့် နောက်ခံမရှိတဲ့ သူကြွယ်အိမ်ဟာ လူအများကိုသွားရည်ကျစေတဲ့အဆီတဝင်းဝင်းနဲ့အသားတုံးကြီးလိုပဲသိရှိထားတယ်။
သူသာ တော်ဝင်ကျောင်းတော်နဲ့တော်ဝင်မျိုးနွယ်ဘက်ကနေ ရပ်တည်ပေးရင် သူတို့လင်းအိမ်တော်ရဲ့ကျေးဇူးတရားကိုသတိရနေပေးမှာလား?
လင်းခေါင်းဆောင်တစ်ယောက် ထိုသို့အကြိမ်ကြိမ်တွေးနေပြီးနောက် ညစာစားပြီးတာနဲ့ လင်းရှောင်းရှောင်းကို ကျောင်းပြန်လိုက်ပို့ပေးလိုက်တယ်။
ဒီနေ့ တော်ဝင်ကျောင်းတော်က အရင်ကနဲ့ကွဲပြားနေသလိုပဲ...
ကျောင်းထဲ ခြေလှမ်း၁၀၀လောက်လှမ်းပြီး ရှေးဟောင်းသစ်ပင်တွေစုဝေးနေတဲ့တောအုပ်ထဲ ဝင်လိုက်တာနဲ့သိပ်သည်းလွန်းတဲ့မှော်စွမ်းအားတွေကိုခံစားလိုက်ရတယ်။
လင်းခေါင်းဆောင်တစ်ယောက် သူ့ကိုယ်ထဲကချီစွမ်းအားတွေတိုးလာတာကိုခံစားလိုက်မိတယ်။
ကျောင်းဝန်းထဲ ရောက်လာလေလေ အထဲမှာ စွမ်းအင်ကျင့်ကြံနေကြတဲ့ ကျောင်းသားတွေလဲပိုများလာလေလေပဲ။ တော်ဝင်ကျောင်းတော်ရဲ့ ချီစွမ်းအင် သိပ်သည်းတဲ့ ကောင်းကင်ကြောင့် စားချိန်သောက်ချိန်ကလွဲလို့ ကျောင်းသားတိုင်းက နေရာမရွေးစွမ်းအင်ကျင့်ကြံနေကြတယ်။
ဝမ်းဟန်ထွက်သွားပြီး၂ရက်အတွင်းမှာပဲ တော်ဝင်ကျောင်းတော်ထဲက ချီစွမ်းအားတွေကတဟုန်ထိုးတိုးလာပြီး အခုဆို နေရာတိုင်းမှာချီစွမ်းအားတွေနဲ့သိပ်သည်းနေတယ်။
ရက်ပိုင်းလေးအတွင်းမှာပဲ နှစ်ထောင်နဲ့ချီပြီးသက်တမ်းရှ်ိတဲ့သစ်ပင်ကြီးတွေကလဲ အကိုင်းသစ်တွေထွက်နေကာ ပိုပြီးကြီးထွားလာပုံပေါ်တယ်။
ပိုပြီးအံ့သြစရာကောင်းတာကတော့ ကျောင်းသားတွေရဲ့ကျင့်ကြံမှုအဆင့်တွေက အရင်ထက်အများကြီးတိုးတာလာတာပဲ။
YOU ARE READING
အင်မော်တယ်ကမ္ဘာမှစားဖိုမှူးလေး ရှီယု ( 1 - 500 Final) ( Completed )
Actionဝတ္ထုအကျဉ်းချုပ်..... ၂၁ရာစုက စားဖိုမှူးတစ်ယောက် ဖြစ်တဲ့ ရှီယု တစ်နေ့မှာ လမ်းဖြတ်ကူးရင်းနဲ့ ကားတိုက်ခံရပြီးတော့ ထူးဆန်းတဲ့လောကကြီးကို ရောက်သွားကာ သူတောင်းစားတစ်ယောက်ဖြစ်လာခဲ့တယ်။ အံ့ဩစရာကောင်းတာတစ်ခုက ရှီယု အဲ့ဒီလောကကြီးကိုကောင်းကောင်းကြီး သိနေတာပ...